Geguritanku

Udana

Pating klerap

Glegar-gleger nyamber

Kumricik

Nelesi bantala

Jawah

Ja’a iku teka apa berkah

Mengkono unine

Tan nyana tanpa sangka tiba,

Nibani makhluking alam dunya

Nyukuri iku tumrape manungsa

Nanging apa?

Sambat sing ana

Manungsa iku mbingungna

Wayah katiga sing ana mung tembung

“udana”

Penganten

Lakumu lembah manah

Tumuju sasana kursi renengga

Sinandhing pacangan kang gagah prakosa

Kaya raden werkudara

Esemu, pait madu

Pratandha bungah atimu

Kebaya cemeng sinulam benang emas

Gumebyar kaya prada binabar

Pating calorot

Pating galebyar

Kaya lintang aliyan

Ganjil cundhuk mentul cacahe

Ngawe-awe marang sinu katresnane

Bebarengan obahe

Nyuwun kaberkahan ancase

Radio

Sawijinig piranti komunikasi

Diputer awan bengi

Sarana ngluru informasi

Dhomestik utawa manca negari

Nanging saiki...

Seje kahanane

Wis arang kang padha  migunakake

Kalah pamore

Kalingsir dening piranti liyane

Ana swarane lan gambare

Modern jamane

Hape cekelane, komplit isine

Internet lan efbe layanane

Ndremimil nyomak-nyamik cangkeme

Wel-welan tangane mripil nulis smse

Merga...

Wis obah jamane

Wong Jawa

Sing mbok duweni rasa

Rasa wirang marang wong liya

Rasa pakewed uga

Nanging aja lali ya wong jawa...

Loro kaidah dhasare wong jawa

Rukun

Hormat

Kudu disadhari lan diugemi

Dilakoni ing panguripan iki

Crah agawe bubrah

Aja nambang laku, ethok-ethok ora ngerti

Apa sing kudu dilakoni

Aja nglantur ngaku-aku

Sasmita kang dudu duwekmu

Kudu amit nuwunsewu

Maguru

Ngluru

Rasa kang satuhu

Supaya bisa ditiru dening anak putu

Apa lakumu kang mituhu

Goroh

Goroh iku...

Padha ngapusi iku

Gak roh iku ora...

Padha ngapusi ora

Gak roh iku ora goroh

Goroh gak roh iku goroh

Ngapusi iku goroh

Ngapusi gak roh iku goroh

Goroh iku ngapusi ora

Goroh iku gak roh

Goroh iku ngapusi

Ngapusi gak roh iku ngapusi

Goroh

Ngapusi

Gak roh

...