Adegan
1
Begawan
Durna rumaos dipunremehaken amargi kalah kawibawan kaliyan Semar.
Ø Dhalang nyamaptakaken wayang: Semar, Durna, Duryudana, Sengkuni. Semar
ngarani negara Ngamarta sampun kelangan tata krama, kawibawan lan budaya adi
luhung, para Pandawa sampun kecalan adil sarta sampun menceng saking garising
bener. Nanging Begawan Durna boten trima.
Rem-rem sorote
kang hyang arka kaeksi O...
Pucaking aldaka
murub O...
Yen janmaha
kadi sung sasmita dasih ing saliring laku O...
Lampahing
dumadi O..., hilir gumanti O...
Dhuka sukaning
driya,
Yekti
gegadhangan O...
Panegsahing
dhiri titah ing Gusti O...
Kang sarwa
dumadi O...
Sengkuni :
Kawulanuwun sinuwun. Mawantu antuku maha patih nyuwun agunging samodra
pangaksami. Dene kula wani matur ing ngarsa paduka boten kanthi tinimbalan.
Amargi menapa? Sampun dangu anggen kula sowan ing ngarsa Prabu, hananging
dereng wonten dhawuh saking paduka ingkang dereng mentas. Mugi paduka Indra
emut dhumateng sabdaning para winasis ingkang suraos narendra siniwaka punika
mugi saged damel tentrem, sampun ngantos adamel tintrim. Dhuh sinuwun, menawi
paduka boten enggal paring dhawuh , tertamtu sami goreh para nayaka ingkang sami
sowan punika Prabu.
Duryudana :
Paman Sengkuni
Sengkuni :
Nuwun, wonten timbalan ingkang dhawuh sinuwun.
Duryudana :
Bener apa kang dadi ature paman Harya.
Yen ta dina iki ana ingkang ingsun penggaih, inggih punika kahanan praja
Ngastina wektu iki Paman.
Sengkuni :
Negari Ngastina wonten menapa ta ngger?
Duryudana :
Ngastina sing jarene negara kang panjang punjung pasir wukir panguripan gemah
ripah loh jinawi. Kawulane sing padha murah esem, sugih marang tata krama jebul
saiki mung kari pocapan. Buktine, unggah-ungguh, tata krama, tindak tanduk,
muna muni wis akeh kang ninggal marang kasusilan. Rasa welas asih, rasa tulung
tinulung, lan tanduk kang grapyak semanak saiki wis mujudake barang langka.
Wektu iki seben dina sing diweruhi mung pentelangening mripat, keroting untu
lan kepelan tangan. Jelas-jelas Ngastina wis ketaman pageblug mayangkara,
larang sandhang, larang pangan. Paman Sengkuni, jroning praja ketaman lelakon
kaya mangkene iki apa Paman Patih ora mbudidaya murih sireping dahuru mau
Paman?
Sengkuni :
Kaluhuran dhawuh paduka, bilih wekdal menika Ngastina nembe ketaman pageblug.
Estunipun sampun boten kirang-kirang anggen kula mbudidaya murih sirnaning
kaneng dahuru. Kula sampun ngempalaken para nayaka praja, kula minta sraya
sageda nentremaken negari Ngastina.
Duryudana :
Paman Harya... kula wonten dhawuh. Yen nganti para nayaka ora bisa mbudidaya
nyirnakake pageblug iki, aja padha lara atimu. Yen para kawula padha alok
pating brengok jebul ratu saknayakane ora pecus mertata negara, lan maneh mung
kari ngenteni jeneng ingsun lan kabeh para nayaka di udhunake saka pemerentahan
denig para kawula Ngastina Paman.
Begawan Durna :
Nuwunsewu, kepareng kula matur anak Prabu.
Duryudana :
Inggih kadospundi Bapa Durna?
Begawan Durna : Sekedhik
utawi kathahipun Bapa sokalima wastanipun ugi ngraosaken panandanging lan
sinandanging para sinandang wekdal menika ngger. Sanget prihatos kula
ngawuningani lelampahan menika, mila kula ngajak gegancangan minggah ing
sanggar pamuja sokalima, patrap semedi nyuwun wonten ngarsaning Hyang anom.
Ngastina boten badhe tentrem menawi boten tinengganing king raka sinuwun Prabu
Kresna. Menapa sebabipun icaling, kok ndadak mawi nanti marang Prabu Kresna.
Karana Kresna menika titisaning bathara Wisnu, dewaning toya. Mak toya menika
panggesangan. Menawi panggesanganipun lelampahan piyajeng ing mriku bade
manggih katentreman. Dados sampun cetha bilih Sang Hyang sampun mujudake
ketentreman tuwin kebahagiayaan. Gandheng sampun wonten dhawuh mekaten, pun
Bapa mebeng dhawuh dhumateng kepareng paduka, dhumateng anak prabu kadospundi?
Duryudana :
Kepriye Paman Sengkuni? Bisane Ngastina manggih raharja, syarate kudu tinunggon
dening kakang Kresna. Mangga Paman Sengkuni pirsa dhewe sapa kadang Kresna
kuwi. Kakang Kresna kuwi wis genah yen kusiring Pandhawa. Apa ora mbebayani yen
nganti lenggah ing praja Ngastina kene Paman?
Sengkuni :
Nun inggih kaluhuran dhawuh paduka ingkang sinuwun. Mila kula suwun
dipunpenggalih kanthi wening langkung. Rumiyin anggen paduka nanggepi ature
kakang Durna kalawau anak Prabu. Awit kula kuwatos, mangke wangsit kalawau
badhe mblasukake lampah paduka ingkang nembe ngudi dhateng tentreming negari
ngger.
Begawan Durna : Apa ya
ana ta wangsit kok ngapusi?
Sengkuni :
Jaman saiki barang sing maune dianggep aneh trus dadi ora aneh kuwi wis akeh
kok kakang. Apa maneh Dewa saiki akeh sing ora beres. Dewa saiki sok nggugu
karepe dhewe kuwi saiki akeh. Mula yen oleh nampa wangsit ora dilambari nalar
yo mesthine kapusan tenan ta Kakang.
Semar :
Sesembahan kula siniun Prabu Duryudana. Sampun kaget kula ingkang sowan
sinuwun.
Duryudana : Ya
jagad Dewa Bathara. Iki dak waspadhakake kakang Semar ingkang sowan marang pendhapa
Ngastina. Kakang Nayantaka paran padha raharja sowan ing ngarsanipun kakang
Semar Badranaya.
Sengkuni :
Ingsun tampa tiba sepadhadha padha kakang Semar.
Begawan Durna : Kakang
Semar padha raharja sakso wanmu kakang.
Semar :
E... panemban Begawan Durna. He... kula tampi perbaginipun panemban Begawan
Durna taklim kula mugi katur panemban.
Begawan Durna : O... ya
tak tampa kakang Semar wis tak tampa.
Semar :
Inggih sinuwun, waleh-waleh menapa, sowan kula punika menawi kenging kula
pirang-pirang perkawis sinuwun. Ingkang sepisan njampengi kangene manah kula
dhateng nagari Ngastina mriki. He...
awit sak sedanipun sinuwun Prabu Pandu.
Duryudana :
Sokur bagesewu dening kakang Semar tasih darbei rasa kapang marang praja
Ngastina.
Semar :
Inggih nuwun inggih. Ingkang angka kalih, kula ugi njampengi kangen ing manah
kula dhateng paduka ingkang suwun sinuwun sak kulawarga sebab manapa, hawit sak
dangunipun kula momong para Pandawa lajeng boten saged sabed jagong kaliyan
paduka sinuwun prabu Duryudana.
Duryudana : Ya,
ya... kakang Semar. Ingsun tampa kapangmu marang jeneng ingsun kakang Semar.
Semar :
Dene jangkep tri wigatos sing perlu kaparenga kula badhe matur ing ngarsa
paduka sinuwun prabu Duryudana. Namung nyuwun pangapunten saderengipun atur
kula punika mangke mesti boten mranani ing penggalih paduka ageng sinuwun.
Duryudana : Ana
luputmu esih gedhe pangapuraku kakang Badranaya.
Semar :
Inggih maturnuwun, ngaten sinuwun. Sowan kula punika namung dhapur badhe nyuwun
pangayoman dhateng paduka ingkang sinuwun. Sebab menapa kula nyuwun pangayoman,
kula matur bares kures, blaka suta, terus terang. Sapunika kula sampun boten
kerasan tumut Pandawa malih sinuwun, jalaran Pandawa sampun menceng sakung
garising kautaman. Pandawa sampun tilar kasusilan, Pandawa sampun ninggal lan
boten mbelani wong cilik, saha Pandawa sampun boten mirengaken sambating para
kawula alit. Wekdal punika Pandawa sampun kecalan kawibawan. Negari Ngamarta
sampun tebih saking swasana tentrem ugi tebih saking gotong royong lan Ngamarta
sampun kecalan budaya adi luhung. Tembung sabda pandhita ratu ngamarta sampun
boten wonten. Tumindaking para Pandawa saha para kanayakanipun sampun cengkeh
kaliyan batos kula. Tinimbang getih kula minggah ngemplak wonten sirah, ngantos
benjang dumugining Bratayudha jaya binangun, kula badhe mbotohi kurawa.
Sinuwun.
Begawan Durna : Kok kowe
bisa matur mangkono kuwi apa wis ana buktine?
Semar : Yen
sampeyan pengin weruh buktine, sampeyan tindak dhateng Ngamarta. Omongan kula
niki sampeyan cocogna kalih tiyang Ngamarta yen nganti boten cocog totoane gulu
kula sampeyan tugel Panemban.
Begawan Durna : Aku
pancen ngakoni yen selawasmu urip ora tau goroh. Nanging, yen nitik sragammu
kuwi aku ngarani kowe ora duwe tata krama. Aja-aja kuwi mau kandhane wong sing
ora keturutan karepe.
Semar : Begawan
Durna, kowe kok ngarani aku ora duwe tata krama. yen ngono ala sira maido
marang kandhaku iki iya?
Sengkuni :
uwis-uwis kakang Semar. Moro gege
terusna aturmu. Kowe aja nyambung rembuge pandhita sing lagi minger pikirane
kuwi kakang Semar. Wiwit dina iki kowe wis dadi kulawarga agung kurawa, lan ora
suwe kowe tak gawekne kartu tanda yen wis dadi kulawarga agung kurawa kakang.
Semar :
Inggih. He... maturnuwun dene sampun tinampi pasuwitan kula raden Patih.
Adegan
2
Begawan
Durna lan putrane lunga tampa pamit.
Ø Dhalang Nyamaptakaken wayang: Begawan Durna, Sengkuni, Duryudana.
Begawan Durna nyuwun supaya Sengkuni lan Duryudana ora langsung percaya dening
omongane Semar. Nanging Sengkuni tetep kukuh mbelani Semar kang melu Kurawa.
Umyung ramya
swaraning kang samya kumpul,
Sajuru-juru
atata tan carub
Denira maprenah
O...
Sanggyane pra
wadya bala,
Sawega
gegamaning laga
Jaja muntab lir
kunetap duka yayah sinipi jaja bang mawinga winga wengis O...
Begawan Durna : O...
Lole-lole. Walah pentlos kembang monyor-monyor emprit gathil buntute umah
joglo. E dhi...
Sengkuni :
Ana apa Maknegundel?
Begawan Durna : Tak
jaluk kowe aja daya-daya nampa switane Semar dhisek. Kowe kudu eling kaya apa
Semar kuwi. Meh wis puluhan taun olehe Semar ngawula marang Janaka. Miturut rasaku,
yen ora ana apa-apa kok muka dheweke. Banjur malik grempyang ninggal Pandawa
melu Kurawa. Aku kuwatir gek aja-aja Semar iki dadi thelik sandine Pandawa di
kongkon dening Pandawa kon mbosoke kekuwatan Kurawa saka jero dhi.
Sengkuni :
Maknegundel, keblabasen olehmu ndakwa marang Semar. Ature Semar mau tulus sing
dikandhakake mau bukti kabeh. Kowe aja ndakwa sing neka-neka. Prasaja wae, kowe
kalah wibawa karo kakang Semar merga kowe kalah pinter. Upama sinuwun mundhut
tinimbngku pilih Semar apa kakang Durna, yen aku ya jelas pilih Semarre no.
Wong kowe iki ketoke suwitane Ngastina ning jebul rasamu iki ngaboti Pandawa.
Begawan Durna : Who...
patih majenun kowe kuwi.
Sengkuni : Ya
kowe kuwi sing majenun.
Begawan Durna : Yen
bener ngono, besuke bakal ketara sapa sing bener lan sapa sing luput.
Kagyat risang kapirangu rinangkul kinempit empit,
Dhuh sang retnaning bawana O...
Ya si tukang walang ati,
Ya si tukang ngenesing tyas,
Ya si tukang kudhu gering,
Duryudana : Piye
paman, Bapa Durna lunga tampa pamit?
Sengkuni :Alah
sampun kersanipun. Piyambakipun rumaos kewiyak wadosipun mila lajeng kesah
tanpa pamit. Ning kene ya ora nambahi biji apa-apa.
Duryudana :
Sampun mekaten Paman. Bapa Durna punika anggadhahi tujuan badhe ngemutaken lan
maringi solusi murih tentreming negara Ngastina.
Sengkuni :
Kersane. Begawan Durna kuwi pingin golek bener awake dhewe.
Ridhu mawur mangawur awur wurahan,
Tengaraning ajurit gong aguru gangsa,
Teteg kaya butula,
Woh pajriting turangga esti rekatak ingkang dwaja lelabuh sebit
O...
Adegan 3
Begawan Durna ditututi dening
wadyabala Ngastina, Semar bakal ngudi patine prabu Kresna.
Ø Dhalang nyamaptakaken wayang: Sengkuni, Dursasana, Durmagati,
Kartamarma, Jayadatra, lan Sortayu. Prabu Duryudana ngutus marang Sengkuni Supaya
wadyabala Ngmarta nututi lungane Begawan Durna, lan Kurawa kadhawuhan mbiyantu Semar
ngudi patine prabu Kresna, nanging Durmagati ora sarujuk.
Dhasare mangsa
katiga ornameng gegana riris harda salah mangsa
Adat sagung
among tani,
Jumangkah samya
ngayati O...
Yasa
bebedhengan ki narya ndeder wiji minangka,
Tumibane mangsa
kasanga,
Sengkuni :
Dursasana
Dursasana :
Kula wonten dhawuh Paman, animbali king putra ing banjar junut. Kula pun
Dursasana Man.
Sengkuni : Ngger
anak-anakku Kurawa kabeh, kowe padha tak elingke sira iku sipating prajurit
kuwi siji ngayomi kawula negara, loro jaga katentremaning negara, kaping telune
ngayahi perang lamun ketekan mungsuh. Dina iki sinuwun Duryudana wis paring
dhawuh marang aku supaya sira kabeh nututi lungane kakang Durna. Kejaba saka
kuwi, karo babar pisan sabiyantu kakang Semar anggone bakal ngudi patine prabu
Kresna. Wis saiki dha pikiren dhewe yen ratu wis paring dhawuh kaya ngono kuwi
ibarate kaya mangsi tumetes ing dluwang putih. Dursasana arep usul apa?
Dursasana :
Niku wau lho Man, bapa Durna kok ngantos kesah niku perkarane napa? Lajeng
malih kakang Semar kok badeh mejahi kakang Kresna niku njur lupute kakang
Kresna niku napa? Tuwin wonten sambung rapete napa kok kurawa kadhawuhan bantu
kakang Semar Man?
Sengkuni :
tak kandhani ya Dur, wektu iki kakang Semar wis balik melu Kurawa Suwita anak
prabu Duryudana. Anane kakang Durna lunga awit dheweke rumangsa kalah wibawa
karo kakang Semar. Dena bab kakang Semar arep
mateni Kresna, jalaran Kresna mono mujudake kunci kekuwatane Pandawa.
Kanthi Kresna dipateni dhisik, mbesuk bratayudha Kurawa bakal unggul jurite
mungsung Pandhawa.kuwi Dur mungguh alesane simg genah.
Dursasana :
Wo... jebul ngaten ta alesane.
Durmagati :
kakang mas dursasana, boten perlu kaget. Inggih ngateniku Ngastina, nek boten
morak marik niku jenenge sanes Ngastina. Sebabe napa jalaran sing nyekel pengemudi kakang Kurupati
niku tiyang sing gampang miyur pikire,
mula nggih gampang dipengaruhi, gampang
dienggokake tanpa mikir mangkeh pripun akibate, ngateniku nggih merga usule pak
cilik kula niki. Lha yen pancen Semar ajeng mejahi Kresna eneng ap kok ndadak
tumut Kurawa riyin? Padune Semar iku ajeng gawe wirange kurawa mawon ta mas?
Cobi ta, mbah Durna iku sampun suwe tumut Kurawa lha kok dikalahake kalih Semar
sing lagi teka.
Dursasana :
Lha iya ta le, karo maneh apa ya arep kelakon nggone mateni kakang Kresna kuwi
he?
Durmagati :
Kula boten mung yakin kepara haqul yakin Kresna tidak akan mati.
Sengkuni :
Lha wong loro iki wong pekok kabeh, ora weruh sapa Semar. Lha wong kuwi Sang
Hyang Ismaya kok diremehke ki piye to cah pekok cah pekok. Lh anak mung sak
Kresna kuwi sepira kekuwatane le?
Durmagati :
Mangkih riyin, yen pancen Semar niku wong sekti, kenging menapa kok purun
dibantu Kurawa? Kamangka Kurawa niku yen perang ora tau menang
cobi?
Sengkuni :
iki dudu wancine wong adu panemu. Kene iki papane patih prentah nyang para
prajurit mung kari dha gelem nindakake pa ora. Kartamarma piye?
Kartamarma : Kula
sagah Paman.
Sengkuni :
Sokur, Jayadrata?
Jayadrata :
Inggih kula sagah.
Sengkuni :
Sortayu?
Sortayu :
kula inggih sagah.
Sengkuni :
cara tak voting kowe wis kalah marga kabeh sarujuk sing ora mung dhapurmu dhewe
Durmagati.
Durmagati :
O... inggih mpun yen karepe panjenengan ora kena diindahke nggih mangga wong kabeh niku bakal ngundhuh tandure dhewe.
Wis kana dha mangkata malah tak sangoni tembang pocung iki!
Kurawaku tutugna dadi wong pengung
Ngumbar watak nasar
Contone patih sengkuni
Srei drengki angkara datan ditinggal
Sengkuni :
Aja padha ngrungokake tembunge wong koclog, bayi tek nuturi wong gerang.
Durmagati :
Boten napa-napa. Dene anak kula niku gawene nuturi kula. Pak nek kowe pengin
dadi prajurit sakti mang maguru mbah buyut Bisma, yen pengin sabar mang maguru
Paman Puntadewa ning ya kuwi, nek bapak kapengin awet dadi maling ya tutugna
kumpul Sengkuni ngaten niku.
Sengkuni :
Anakmu kon melu aku delok wae tak pacul lambene, bayi o garap wong gerang. Sortayu!
Sortayu :
Kula wonten dhawuh Paman
Sengkuni :
metua jaba undang wadya kaya kaya padatan!
Sortayu :
Kula ngertokaken dhawuh Paman
Tandya
bala byuk gumulung mangusir,
Ring
sata satus kurawa kambah kongkih
Sru
katitih larut katut praratu, O...
Sortayu :
kepareng matur Paman, para wadya sampun siaga ing dhiri sawega ing gati. Dene
kabidhalaken sawanci-wanci boten badhe nguciwani.
Sengkuni :
Sokur bagi sakethi jumurug malah sira dadi cucuking laku!
Sortayu :
Keparenga medal pasilan Paman.
Umyung ramya
swaraning kang samya kumpul,
Sajuru-juru
atata tan carub,
Denira maprenah
O...
Sanggyane pra
wadya bala,
Sawega
gegamaning laga,
Jaja muntab lir
kunetap duka yayah sinipi jaja bang mawinga winga wengis O...
Adegan 4
Begawan Durna lan Aswatama ketemu
anoman lan Setyaki nalikane ing Mandura arep ketemu Prabu Baladewa.
Ø Dhalang nyamaptakaken wayang: Begawan Durna, Aswatama, Anoman, lan
Setyaki. Nalikane begawan Durna kaliyan aswatama arep ketemu Prabu Baladewa ana
Mandura ketemu karo Anoman lan Setyaki. Nanging Prabu Baladewa lag tindak ing
nagari Ngamarta sarimbit panjenengane sinuwun Dwarawati.
Leng-leng driya
mangu mangungkung,
Mangungkung
kandruhan rimang,
Lelena tanpa
kanin O...
Aswatama : Kawulanuwun Bapa, keparenga
kula nyuwun wuninga..
Begawan
Durna : Anakku Aswatama, kowe arep
katon apa ngger?
Aswatama :
Nuwunsewu, punapa ta sebabipun pun paduka Bapa nganti pun pun putra kula
supados medal saking golonganing Kurawa sinuwun?
Begawan Durna : Aswatama
Aswatama :
Wonten dhawuh?
Begawan Durna : mula
kowe tak kanthi saka Kurawa merga saiki dha lamur pandulune Prabu Duryudanalan
Patih Sengkkuni. Buktine bapakmu diremehke dening Sengkuni amarga ana Semar ing
kana. Wias babar pisan ora ana gunane anggonku labuh. Mula timbang lara atiku
luwih becik golek nggon sing cocog karo rasaku.
Aswatama : Ya
jagad dewa bathara. Punapa patih Sengkuni kedah kula emutaken kanthi kakiyatan
rama?
Begawan Durna : Wia aja
mbok ladeni Swatama. Malah kapara ayo nuyugne laku golek sing cocog karo
rasaku.
Aswatama :
Mangga kula dherekaken penemban.
Anoman :
iki dak waspadakake Begawan Durna ingkang prapteng aneng laladan Mandura.
Nuwunsewu panemban niki wonten gawe punapa dene panemban karaya Aswatama aneng
tlatah Mandura kene?
Begawan Durna : Ya iya
Begawan Anoman, mulane aku teka ana mandura kene banget kepingin ketemu karo
Prabu Baladewa.
Setyaki :
Mengko dhisik Begawan Durna, sira darbe perlu apa kok kepingin ketemu Prabu
Baladewa?
Begawan Durna : Ngene ya
Raden Setyaki, aku tak crita sedhela wae dirungakake ya?
Setyaki :
Iya age critaha?
Begawan Durna : aku
mentas saka praja Nganstina nalika semana Ngastina katekan Semar Badranaya,
nalika semana dheweke muni yen wis ora krasan melu Pandhawa sing menceng saka
garising kautaman ora mikir kari wing cilik lan sapiturute. Mula ora mokal yen
dheweke saiki nglangkah pager melu Kurawa. Mangka aku wis ngekikake Sengkuni
yen Semar kuwi wis puluhan taun melu pandhawa, aja gampang percaya. Aku muni
ngono malah diarani Sengkuni aku kalah wibawa kalah pinter karo Semar lan
wangune Prabu Duryudana melu ngenthengi aku lan ngeboti rembuge Sengkuni. Mula
begawan Anoman, aku arep metu saka golonganing Kurawa wae, lan Begawan Anoman
aku arep matur karo Prabu Baladewa yen wektu dina iki sinuwun Dwarawati arep
dipateni dening kakang Semar.
Anoman :
Banget pnariku dene Begawan Durna kersa paring pitedah. Nyatane Semar sing
diunggulake mung semono pikirane, ning rembugmu rak oragoroh ta panemban?
Begawan Durna : Ngendi
ana Pendita kok goroh Anoman.
Anoman : Lan
Wruhana panemban wektu iki Prabu Baladewa lagi tindak ing nagari Ngamarta
sarimbit panjenengane sinuwun Dwarawati. Mula prayogane Begawan Durna nututi
aneng negara Ngamarta.
Adegan 5
Begawan Durna lan Aswatama nututi
Prabu Baladewa sarimbit panjenengane sinuwun Dwarawati aneng negara Ngamarta.
Ø Dhalang nyamaptakake wayang: Anoman, Sortayu, Setyaki, Begawan
durna, Aswatama lan bala Ngastina. Nalikane Begawan Durna lan Aswatama ketemu
Anoman lan Setyaki, dene Prabu Baladewa lai tidak ing nagari Ngamarta sarimbit
panjenengane sinuwun Dwarawati mula Begawan Durna lan Aswatama nututi ing
negara Ngamarta arep ngabarake yen Semar ngudi patine sinuwun Dwarawati. Dene
Anoman lan Setyaki perang nglang-ngalangi bala Ngastina kang arep boyong
Begawan Durna menyang Ngastina.
Klingsir ratri
tumapak ing wanci,
Bang-bang wetan
sumaput ngakasa,
Lintang rina
wus kawuryan,
Humiring sang
sasadara O...
Begawan Durna : Luwih
prayoga penemban, ya mung aku titip ragaku iki ayomana ya Anoman.
Anoman :
Aja kuwatir penemban, mengko yen ana sinng arep ngendhak singkara karo begawan,
sing ngadhepi Anoman karo Setyaki.
Begawan Durna :
Maturnwun panemban, aku njaluk pamit ya Anoman? Ayo ngger Aswatama
nerusake laku.
Anoman :
ati-ati Begawa Durna.
Aswatama :
Mangga kula dherekake Bapa Panemban.
Anoman :
Raden Setyaki
Setyaki :
Apa Begawan Anoman?
Anoman :
Sabidhale Begawan Durna kaliyan Aswatama ana barisan segelar sepapan nitik saka
umbul-umbul kae barisane Kurawa.
Setyaki : Wangune
para Kurawa bakal goleki Begawan Durna, ayo ditemoni sapa sing dadi cucuking laku.
Anoman :
Mangga kula dherekake Raden.
Babo-babo
mara age tandhingana,
Sun
prajurit linuwih,
Sekti
mandraguna prawira ing ngayudha,
Prang
tandhing haiwa lumaris,
Tan
wurung sira,
Sirna
ndepani bumi,
Sortayu : Wadhuh-wadhuh during adoh
angonku pacak paris pethuk wong cendhek brengose sakepel ora pangling setyaki.
Setyaki : Sortayu, ya
Sortayu : Ora ana bangsane kewan
lewat ana kene.
Sortayu : Buronku dudu kewan,
Begawan Durna buronku.
Setyaki : Orasah golek sing ora
ana. Aneng kene anane Setyaki.
Sortayu : Lakune Begawan Durna tak
odhol seka buri mlebu tlatah Mandura. Mokal yen kowe ora ngerti.
Setyaki Yen ketemu Begawan Durna arep apa?
Sortayu : Arep tak gawa bali
menyang Ngastina.
Setyaki : Ora usah goleki sing ora
ana. Klakon boyong Begawan Durna yan bisa nglangkahi bangkene Setyaki.
Sortayu : Wah sugih kendel bandha
wani, kowe sing dadi pepalangk nganti ora gelem minggat lena pangendhamu tebah
dhadhamu mleset, aja takon dosa keparat.
Rapate
mulur wektune
